१८ फाल्गुन २०७९, बिहीबार ०५:१४ बुधवार साप्ताहिक, नयाँबानेश्वर, काठमाण्डौं

ऋषि धमलासँग नाम जोड्ने शर्मिला वाइवाले किन पिइन विष ?

फागुन १८, काठमाडौं । आफूलाई सामाजिक अभियन्ता बताउने शर्मिला वाइबाले विष पिएर आत्महत्याको प्रयास गरेकी छन् ।

बुधबार राति उनले महाराजगन्जस्थित आफ्नै निवासमा विष खाएको काठमाडौं प्रहरीले जनाएको छ । अहिले उनको उपचार वीर अस्पतालको सघन उपचार कक्ष (आइसियू) मा उपचार भइरहेको छ । अवस्था चिन्ताजनक नरहेको बताइएको छ । उनले विष पिउनुको कारण अझै बाहिर आएको छैन । यसबारे आफू बोल्न सक्ने अवस्थामा भएपनि उनले बताउन नमानेको प्रहरीको भनाइ छ ।

तत्कालीन गृहमन्त्री रवी लामिछानेले पत्रकार सम्मेलन मार्फत् १२ भाइ पत्रकारका बारेमा टिप्पणी गरेपछि वाइवाले आफ्नो नाम पत्रकार ऋषि धमलासँग जोडेर विवादमा आएकी थिइन् ।