२० चैत्र २०७९, सोमबार ११:३२ बुधवार साप्ताहिक, नयाँबानेश्वर, काठमाण्डौं

बारा–२ मा रास्वपाबाट रमेश खरेलको उम्मेदवारी दर्ता

२० चैत,बारा । राष्ट्रिय स्वतन्त्र पार्टी (रास्वपा) बाट बारा क्षेत्र नम्बर–२ मा रमेश खरेलले उम्मेदवारी दिएका छन् । आज (सोमबार) मुख्य निर्वाचन अधिकृतको कार्यालयमा पुगेर उनले उम्मेदवारी दर्ता गराएका हु्न् ।

पूर्व डीआईजी समेत रहेका खरेल हालै रास्वपा प्रवेश गरेका हुन् । उनी गएको मंसिर ४ को निर्वाचनमा काठमाडौं क्षेत्र नम्बर–१ बाट पराजित भएका थिए ।

गएको मंसिर ४ को निर्वाचनमा बारा–२ बाट निर्वाचित भएका सांसद रामसहायप्रसाद यादव उपराष्ट्रपति बनेपछि रिक्त रहेको स्थानमा उपनिर्वाचन हुँदैछ । आगामी वैशाख १० गते हुने उपनिर्वाचनमा खरेल यो क्षेत्रबाट प्रतिष्पर्धा गर्न लागेका हुन् ।