३० बैशाख २०८०, शनिबार ०७:२४ बुधवार साप्ताहिक, नयाँबानेश्वर, काठमाण्डौं

गुडिरहेको बसमा एक्कासी आगलागी

३० वैशाख, धादिङ । त्रिभुवन राजपथ अन्तर्गत धादिङको धुनिबेसी–९ गणेश मन्दिर नजिकै गुडिरहेको बसमा एक्कासी आगो लागेको छ ।
धादिङको खाल्टेबाट काठमाडौंतर्फ आउँदै गरेको ग १ ख ४८४७ नम्बरको यात्रुवाहक बसमा सर्ट सर्किट भई आगलागी भएको जिल्ला प्रहरी कार्यालय धादिङका प्रमुख प्रहरी उपरीक्षक गौतम मिश्रले जानकारी दिएका छन् ।

३३ जना यात्रु रहेको बसमा सबै यात्रु सकुशल रहेका छन्। बसको सिटसहित भित्रको पार्ट, बाहिर पनि जलेको छ । बसको इन्जिनबाट धुँवा निस्किने बित्तिकै बस रोकेर यात्रुलाई बाहिर निकालेका कारण मानवीय क्षति हुन पाएन, एसपी मिश्रले भने । राजमार्ग क्षेत्रमा रहेको दमकल, प्रहरी र स्थानीयवासीले आगो नियन्त्रणमा लिएका छन् ।