३१ जेष्ठ २०८०, बुधबार ०९:४९ बुधवार साप्ताहिक, नयाँबानेश्वर, काठमाण्डौं

विप्लव कार्यकर्तामाथि प्रहरीको धरपकड

३१ जेठ, काठमाडौं । काठमाडौ जिल्ला अदालत अगाडिबाट प्रहरीले १३ जना नेत्रविक्रम चन्द ‘विप्लव’ नेतृत्वको विद्यार्थी संगठन अखिल (क्रान्तिकारी) का नेता–कार्यकर्ता पक्राउ परेका छन् ।

नक्कली भुटानी शरणार्थी प्रकरणमा दोषीलाई कारबाही गर्न माग गर्दै अदालत अगाडि प्रदर्शन गर्न पुगेका विद्यार्थी नेता कार्यकर्ताहरूलाई प्रहरीले पक्राउ गरेको हो । उनीहरूले भुटानी शरणार्थी प्रकरणमा पक्राउ परेकाको पक्षमा बहस गरिरहेका अधिवक्ताहरूविरूद्व समेत नाराबाजी गरेका थिए । उनीहरूलाई नियन्त्रणमा लिने क्रममा प्रहरीले लाठीचार्ज समेत गरेको थियो ।