५ असार २०८०, मंगलवार ०९:०४ बुधवार साप्ताहिक, नयाँबानेश्वर, काठमाण्डौं

सुदूरपश्चिमका कानूनमन्त्री सवार गाडी दुर्घटना

५ असार, काठमाडौं ।सुदूरपश्चिम प्रदेशका आन्तरिक मामिला तथा कानूनमन्त्री पृथ्वीबहादुर सिंह सवार गाडी दुर्घटनामा परेको छ। डडेल्धुराबाट बझाङ सदरमुकाम चैनपुर जाने क्रममा मन्त्री सिंह सवार गाडी दुर्घटनामा परेको हो।

सुपप्र.०१००१ झ ४८० नम्बरको गाडी बझाङको केदारस्युँ गाउँपालिकाको धारछडा भन्ने ठाउँमा दुर्घटनामा परेको प्रहरीले बताएको छ।

दुर्घटनामा मन्त्रीसहित ५ जना गम्भीर घाइते भएको प्रहरीले जनाएको छ।

दुर्घटनापश्चात अहिले उद्धार भइरहेको प्रहरीले जनाएको छ। थप विवरण आउन बाँकी छ।