११ असार २०८०, सोमबार ०३:४७ बुधवार साप्ताहिक, नयाँबानेश्वर, काठमाण्डौं

खोलाले बगाउँदा एक महिला बेपत्ता

११ असार, जुम्ला । जुम्ला गुठीचौर गाउँपालिका–२ स्थित पनेलाखोलाले बगाउँदा एक महिला बेपत्ता भएकी छन् । आइतबार साँझ खोलामा बगेर गुठीचौर–२ की ४६ वर्षीया सरस्वती बुढा बेपत्ता भएकी हुन् ।

बेपत्ता भएकी बुढा घट्टमा अन्न पिस्न गएकी थिइन् । उनीसँगै दुई वटा घट्ट समेत खोलाले बगाएको जिल्ला प्रहरी कार्यालय जुम्लाले जनाएको छ ।

घटनास्थलमा अस्थायी प्रहरी पोस्टबाट हवल्दार टेकेन्द्र खाणको नेतृत्वमा दुई जनाको टोली खटिएको छ । खोला बढेकाले उच्च सतर्कता अपनाउन तिला नदी आसपासका बस्तीलाई गुठीचौर गाउँपालिकाले आग्रह गरेको छ ।