१ श्रावण २०८०, सोमबार ११:२४ बुधवार साप्ताहिक, नयाँबानेश्वर, काठमाण्डौं

विमस्टेक वैठकमा परराष्ट्र मन्त्री साउद र भारतीय समकक्षी जयशंकरबीच भेटवार्ता

१ साउन, काठमाडौं । थाइल्याण्डमा रहेका परराष्ट्र मन्त्री एनपी साउद र भारतीय विदेशमन्त्री एस जसशंकरबीच भेटवार्ता भएको छ ।
बैंककमा भएको बिम्स्टेक राष्ट्रका परराष्ट्र मन्त्रीको रिट्रिटका क्रममा दुई देशका परराष्ट्रमन्त्रीबीच भेटवार्ता भएको हो ।

भारतीय विदेशमन्त्री जसशंकरले भेटवार्ता राम्रो भएको भन्दै सहकार्यका एजेण्डालाई कार्यान्वयन गर्ने विषयमा छलफल भएको जानकारी दिएका छन् । भारतीय विदेशमन्त्री एस जयशंकरले नेपाली समकक्षीसँगको वार्तालाई फलदायी भनेका छन् ।

नेपालका विदेशमन्त्री नारायण प्रकाश साउदसँग राम्रो भेटवार्ता भएको छ । हाम्रो नेतृत्वद्वारा निर्धारित सहयोगका एजेण्डा लागू गर्न मिलेर काम गर्ने कुरामा हामीले सहमति जनाएका छौं, जयशंकरले भनेका छन् । उनले भेटवार्तापछि नेपालसँग आपसी हितका विषयमा निरन्तर सम्पर्कमा रहेर काम गर्न आफू तयार रहेको पनि बताएका छन् ।