१ आश्विन २०८०, सोमबार १२:४४ बुधवार साप्ताहिक, नयाँबानेश्वर, काठमाण्डौं

संविधान दिवसमा एमालेको ‘रातो र चन्द्र सूर्यसँग सेल्फी’ कार्यक्रम

१ असोज, काठमाडौँ । प्रमुख प्रतिपक्षी नेकपा एमालेले यस वर्षको संविधान दिवसको अवसरमा ‘रातो र चन्द्र सूर्यसँग सेल्फी’ कार्यक्रम गर्ने भएको छ । एमाले अध्यक्ष केपी शर्मा ओलीले आज (सोमबार) भिडियो सन्देश जारी गर्दै जनस्तरमा संविधान दिवसको अवसरमा आयोजना हुने कार्यक्रमका लागि काठमाडौंको नारायण चौरमा बुधबार बिहान ७ उपस्थितिका लागि आह्वान गरेका छन् ।

‘हाम्रो हक संविधानमा लेखिएको दिन असोज ३ को मर्निङ वाक नेसनल वाक गरौं । सेल्फी विथ नेसनल फ्ल्यागका लागि असोज ३ गते नारायणचौर आउनु हो’ ओलीले भनेका छन्, ’जनस्तरबाटै भव्यस्तरमा मनाऔं ।’ अघिल्लो वर्ष एमालेले संविधान दिवसको अवसरमा २०७९ असोज १ गते नै मर्निङ वाक गर्दै आमनिर्वाचनको अभियान सुरु गरेको थियो । त्यस समयमा पनि मर्निङ वाक आयोजना गरेको थियो ।