६ मंसिर २०८०, बुधबार ०३:१७ बुधवार साप्ताहिक, नयाँबानेश्वर, काठमाण्डौं

बालुवाटार र शीतल निवास वरपर पनि निषेधाज्ञा

६ मंसीर, काठमाडौं । जिल्ला प्रशासन कार्यालयले माइतीघरपछि राष्ट्रपति निवास शीतल निवास र प्रधानमन्त्री निवास बालुवाटार क्षेत्रमा पनि निषेधाज्ञा जारी गरेको छ ।

काठमाडौंका प्रमुख जिल्ला अधिकारीले राष्ट्रपति कार्यालयको पूर्व पवित्र वर्कशपसम्म, पश्चिम सामाखुसी निस्कने नाला, उत्तर प्रहरी प्रशिक्षण प्रतिष्ठानको पूर्वी गेट र दक्षिणमा प्रहरी अस्पताल जाने मोडसम्म निषेधको आदेश जारी गरेको हो ।

यस्तै बालुवाटारमा पवित्र वर्कशप चोकबाट बालुवाटारतर्फ नेपाल राष्ट्र बैंक चोक र सभामुखदेखि गैह्रीधारा जाने बाटोको पश्चिम दक्षिण १०० मिटरसम्म पाँच जनाभन्दा बढी भेला हुने नदिने आदेश जारी भएको हो ।

मंसिर ५ गतेबाट लागू हुनेगरी आगामी ३० दिनसम्मका लागि यी स्थानमा जुलुस, प्रदर्शन, धर्ना, घेराउ, अनसन र सभाजस्ता आन्दोलन वा विरोधका कार्यक्रम गर्न निषेध गरिएको प्रशासनले जारी गरेको विज्ञप्तिमा उल्लेख छ ।
यसअघि माइतीघर, नयाँ बानेश्वरलगायत क्षेत्रमा निषेधाज्ञा जारी गरिएको थियो । त्यस्तै, जिल्ला प्रशासन कार्यलय ललितपुरले पनि जिल्लाका विभिन्न स्थानमा निषेधाज्ञा जारी गरेको छ । भोली हुने लागेको युवा संघ नेपाल र दुर्गा प्रसाई नेतृत्वका आन्दोलनलाई दृष्टिगत गरि निषेधाज्ञा गरिएको हो ।