२ बैशाख २०८३, बुधबार १५:३६ बुधवार साप्ताहिक, नयाँबानेश्वर, काठमाण्डौं

इरानबाट नेपाली क्याप्टेन अमृत झा रिहा — कूटनीतिक पहलपछि आयो सुखद खबर

काठमाडौं | इरानले नियन्त्रणमा लिएका नेपाली युवा तथा जहाज क्याप्टेन अमृत झा अन्ततः रिहा भएका छन्। बुधबार उनलाई औपचारिक रूपमा रिहा गरिएको पुष्टि भएको छ।

परराष्ट्रमन्त्री शिशिर खनाल ले पनि झा रिहा भएको जानकारी दिएका छन्। उनका अनुसार इरानस्थित नेपाली कन्सुलरसँग समन्वयपछि रिहाइ प्रक्रिया सम्पन्न भएको हो।

झा रिहा भएको खबर सरकारी अधिकारीहरूले उनका परिवारलाई समेत दिइसकेका छन्। उनका भिनाजु राजेश झाले केही समयअघि मात्रै आफूहरूलाई रिहाइबारे जानकारी प्राप्त भएको बताएका छन्। लामो समयको तनावपछि परिवारमा अहिले राहत र खुसी छाएको छ।

कसरी पक्राउ परे अमृत झा?

🔹 इजरायल–अमेरिका र इरानबीच तनाव चुलिनुअघि
🔹 इन्धन लिन झा इरान पुगेका थिए
🔹 दुबई फर्किने क्रममा उनलाई नियन्त्रणमा लिइएको थियो

झा दुबईस्थित ‘ब्ल्याक सी मरिन एलएलसी’ कम्पनीअन्तर्गत जहाज क्याप्टेनका रूपमा कार्यरत थिए 
उनिसँगै केही भारतीय नागरिक पनि पक्राउ परेका थिए।

 दुई वर्षदेखि वैदेशिक रोजगारीमा

अमृत झा करिब २ वर्षअघि वैदेशिक रोजगारीका लागि दुबई पुगेका थिए। समुद्री क्षेत्रमा अनुभवी क्याप्टेनका रूपमा काम गर्दै आएका उनी इन्धन ढुवानी जहाजमा कार्यरत थिए।

यो घटनाले वैदेशिक रोजगारीमा रहेका नेपालीहरूको सुरक्षासँगै सरकारको कूटनीतिक पहलको प्रभावकारिता पनि देखाएको छ।