३ बैशाख २०८३, बिहीबार ०८:३६ बुधवार साप्ताहिक, नयाँबानेश्वर, काठमाण्डौं

बुटवलमा फुटपाथ अतिक्रमण हटाउने अभियान सुरु, डोजर चल्यो

बुटवल । बुटवल उपमहानगरपालिका ले फुटपाथ अतिक्रमण हटाउने अभियान सुरु गरेको छ। उपमहानगरपालिकाले तीन दिनसम्म माइकिङ गर्दै व्यवसायीलाई स्वेच्छिक रूपमा फुटपाथ खाली गर्न आग्रह गरेको थियो।

निर्देशनलाई अटेर गरेपछि उपमहानगरपालिकाले डोजर प्रयोग गरेर अतिक्रमण हटाउन सुरु गरेको हो। अभियानअन्तर्गत बसपार्क, अस्पताल लाइन र ट्राफिकचोक क्षेत्रका फुटपाथहरू खाली गरिएका छन्।

उपमहानगरपालिकाका अनुसार निर्देशन नमान्ने केही व्यवसायीका सामग्रीसमेत जफत गरिएको छ।

नगर प्रमुख खेलराज पाण्डेय ले बुटवललाई सफा, सुरक्षित र व्यवस्थित शहर बनाउने लक्ष्यसहित यो कदम चालिएको बताएका छन्। फुटपाथ खाली भएपछि
पैदलयात्रीलाई सहज आवागमन
 सवारी चाप व्यवस्थापनमा सुधार
 दुर्घटना न्यूनीकरण
जस्ता फाइदा देखिन थालेको जनाइएको छ।

उपमहानगरपालिकाले यस अभियानले ट्राफिक जाम नियन्त्रण, सार्वजनिक स्थानको प्रभावकारी उपयोग र शहरको सौन्दर्य वृद्धिमा सकारात्मक प्रभाव पार्ने अपेक्षा गरेको छ। साथै, यसले दीर्घकालमा व्यवस्थित व्यापारिक वातावरण बनाउन मद्दत पुग्ने विश्वास लिइएको छ।

तर, फुटपाथ व्यवसायीहरूले भने वैकल्पिक व्यापारिक स्थान उपलब्ध गराउनुपर्ने माग गरेका छन्।

चुनौती र अपेक्षा

अभियानले शहर व्यवस्थापनमा सकारात्मक संकेत दिएको भए पनि, प्रभावित साना व्यवसायीहरूको पुनर्स्थापनाको विषय अब मुख्य चुनौतीका रूपमा देखिएको छ।