९ फाल्गुन २०७७, आईतवार १४:४२ बुधवार साप्ताहिक, नयाँबानेश्वर, काठमाण्डौं

गगनको प्रश्न : केपी ओली सम्मानित प्रधानमन्त्री हुन् कि टोले गुण्डा ?

नवलपरासी, ९ फागुन । नेपाली कांग्रेसका नेता गगन थापाले प्रधानमन्त्री केपी शर्मा सम्मानित प्रधानमन्त्री हुन् कि टोले गुण्डा हुन् ? भनेर प्रश्न गरेका छन् । प्रधानमन्त्री ओलीले सडकबाट सम्मानित अदालतलाई धम्क्याउने र तर्साउने काम गरेको चर्चा गर्दै नेता थापाले अदालतले केपी ओलीको निर्लज्जताको भारी बोक्न नसक्ने बताए ।

नेपाली कांग्रेस नवलपरासी हुप्सेकोट गाउँपालिकाले आज आयोजना गरेको आमसभामा बोल्दै नेता थापाले बहुमत प्राप्त सरकारको प्रधानमन्त्रीले सडकमा गएर न्यायालयलाई धम्क्याउने काम संसारका कुनै मुलुकमा नभएको बताए । केपी ओली सन्काहा भएको बताउँदै थापाले अगाडि भने, ‘ प्रधानमन्त्रीले जेजे गल्ती गर्दै जान्छन् त्यसको साक्षी अदालत बस्न सक्दैन ।’ न्यायाधीशले विवेक पु¥याउँछन् कि पु¥याउँदैनन् भनेर जनताले प्रतीक्षा गरिरहेको उल्लेख गर्दै नेता थापाले भने, न्यायालयबाट संविधानसम्मत फैसला आउनेमा नेपाली कांग्रेस विश्वस्त छ ।