सम्भव छ एमाले – माओवादीको संयुक्त सरकार ?
काठमाडौं । भावी सत्ता समीकरणको सम्बन्धमा दलहरुको बीचमा प्रारम्भिक छलफल भइरहेकै समयमा नेकपा एमाले र माओवादी केन्द्रका केही नेताले वामपन्थी गठबन्धनको सरकार निर्माणको कसरत गरेका छन् ।
प्रधानमन्त्री केपी शर्मा ओलीलाई राजीनामा गर्न लगाएर एमाले वा माओवादीबाट अर्को नेतालाई प्रधानमन्त्रीका रुपमा अगाडि सार्ने वा ओलीको सम्मानजनक निकासका लागि केही समय उनलाई नै निरन्तरता दिन सकिने विषयमा समेत नेताहरुले छलफल थालेका छन् ।
यो विकल्पमा छलफल गर्नका लागि एमालेको माधव नेपाल समूह र माओवादी केन्द्रले प्रधानमन्त्री केपी ओलीसँग वार्ता गर्न चाहिरहेको छ । तर, संवादको पहल कसले थाल्ने दुवै पक्ष अर्को पक्षले वार्ताको पहल गरोस भन्ने चाहान्छन् ।
केही समय यही विकल्पका सम्बन्धमा ओली समूहसँग छलफल गर्नका लागि नै माओवादी केन्द्रले सरकारलाई दिएको समर्थन फिर्ता लिएको छैन् । वाम गठबन्धन निर्माणको प्रयास प्रधानमन्त्री ओलीको साथ र समर्थनमा मात्रै सम्भव हुने भएकाले सरकारलाई दिइएको समर्थन फिर्ता लिन ढिलाइ गरिएको माओवादी केन्द्रका एक नेताले बताए ।
माओवादी नेता भन्छन्, ‘तत्काल पार्टी एकता सम्भव नभए पनि एमाले र माओवादी केन्द्रको संयुक्त सरकारको बारेमा छलफल गर्न केही समय लिएका हौ ।’ तर, ओलीको वार्ता सकारात्मक रुपमा अगाडि नबढेमा कांग्रेस र समाजवादीसँग मिलेर सरकार बनाउन ओलीलाई दिएको विश्वासको मत फिर्ता लिने विषयमा समेत माओवादी केन्द्रभित्र गृहकार्य भइरहेको छ ।
उता बुधबार नेकपा एमालेको माधव नेपाल समूहको बैठकले पनि वामपन्थीको सरकार निर्माणमा नै जोड दिएको छ ।
भट्टराईले कांग्रेस, माओवादी केन्द्र र जनता समाजवादीको सरकार बन्नेमा अवस्थामा केपी ओलीले छोडनुपर्ने भएकाले अहिले वामपन्थी सरकार बनाउने मूल्यमा छोड्दा राम्रो हुने बताए । उनले ओलीले माओवादीलाई चित्त बुझाएर सरकारलाई निरन्तरता दिएमा आफूलाई कुनै आपत्ति नहुने र खुसी नै हुने बताए ।
नेपाल पक्षको बुधबारको भेलामा धेरै नेताले वाम एकता र वामपन्थी सरकारमा जोड दिएका थिए । माधव पक्षका केन्द्रीय सदस्यहरुले अहिलेको जनमत वाम सरकारलाई भएकाले सकेसम्म वाम एकता कायमै राख्नुपर्ने, नभए वाम गठबन्धनको सरकार बनाउनुपर्नेमा जोड दिएका छन । ‘वामपन्थीहरुको सरकार बनाउन जोड दिनुपर्छ । अध्यक्ष केपी शर्मा ओलीलाई त्यही सुझाव दिनुपर्छ’, वरिष्ठ नेता माधव नेपालले भेलामा भने ।
माओवादी र एमालेका नेता ओलीले केही उदारता देखाएमा तत्कालका लागि वामपन्थीको संयुक्त सरकार बन्ने बताउँछन् ।
सम्बन्धित समाचार
- सत्ता गठबन्धन फेरिएकै दिन नेप्से परिसूचक ११७.७० अंकले बृद्धि
- बालुवाटारमा नयाँ गठबन्धनको बैठक जारी
- दुई वर्ष प्रचण्ड नै प्रधानमन्त्री, त्यसपछि ओली
- बालुवाटारमा प्रचण्ड र ओलीबीच एक घण्टा वार्ता
- हङकङमा टी-२० सिरिज खेल्ने १४ सदस्यीय टिम घोषणा
- राष्ट्रियसभाका अध्यक्षसहित २० सांसदको पदावधि आजदेखि सकिने
- भ्रष्टाचारमा मुछिएका माओवादी नेता पुरीले दिए पदबाट राजीनामा
- फर्जी हाजिरी गरेर १ लाख तलबभत्ता लिने चार शिक्षकविरुद्ध भ्रष्टाचार मुद्दा
- स्कारपियोले मोटरसाइकललाई ठक्कर दिँदा २ युवकको मृत्यु
- चितवनमा जनतासँग एमाले कार्यक्रम शुरु
- त्रिकोणात्मक टी–२० सिरिजमा आज नेपाल र नामिबिया भिड्दै
- राष्ट्रिय सभा अध्यक्ष माओवादीकै हुन्छ : जनार्दन शर्मा
Leave a Reply