२८ फाल्गुन २०७७, शुक्रबार ०४:१३ बुधवार साप्ताहिक, नयाँबानेश्वर, काठमाण्डौं

गुप्तचरका हरेक हाकिम बदनाम

काठमाडौं । गोप्य सूचना संकलन गरी सरकारलाई बुझाउँदै आएको एक मात्र गुप्तचरी निकाय राष्ट्रिय अनुसन्धान विभागका हरेक हाकिमहरू बदनामी कमाउन सफल भएका छन् । पछिल्लो समय आफ्नो दक्षता प्रदर्शन गर्नुभन्दा पनि मुख्य नेताहरूको र सत्ताको चाकरी बजाएर गुजारा गर्दै आएको सो विभागका देशभरीका जिल्लाका इन्चार्ज बदनाम सावित भएका छन् । अझ भनसुन र मुख्य नेताहरूले काखी च्याप्दा सरुवामा बदनामहरूले महŒवपूर्ण जिल्लाको अवसर पाएका छन् । गुप्चतर प्रमुख गणेश अधिकारीले क्षमताका आधारमा भन्दा चलखेल र सिफारिसका आधारमा सो सरुवा गरेको आरोप लागेको थियो ।
अहिले एसपी भूमि पाठकको काठमाडौंको प्रमुख छन् । उनी कास्कीमा कार्यरत थिए । चलखेलकै आधारमा उनले कास्कीबाट काठमाडौं सरुवा हुने मौका पाएको बताइएको छ । उनी कांग्रेस नेता गोविन्दराज जोशीका कार्यकर्ता हुन् । उनलाई जोशीले नै गुप्तचरमा भर्ना गरेका थिए । यसअघि उनी ललितपुरसमेत बसेका थिए । त्यस्तै उत्तम खनाल चितवनका प्रमुख छन् । उनी पूर्वआईजीपी सर्वेन्द्र खनालका भाइ हुन् । पहुँचवालाको नाम जोडेर धक्कु लाएकै भरमा अधिकांश गुप्तचर अधिकारीहरू सुतीसुती तलब खाने गर्छन् । नवीन्द्र अधिकारी अहिले कास्की जिल्ला प्रमुख हुन् । उनको केही महिनाअघि मात्र कास्कीमा सरुवा भएको हो । उनी अर्थमन्त्री विष्णु पौडेलनिकट हुन् । उनको घर पोखरा नै हो । कार्यक्षमतामा कमजोर भए पनि उनले पटक–पटक महŒवपूर्ण जिम्मेवारी पाएका छन् । कार्यसम्पादनमा २९ नम्बरमा रहेका विमल घिमिरे मोरङ प्रमुख छन् । तिलक प्रसाई राष्ट्रिय अनुसन्धान विभाग झापाका प्रमुख छन् । उनी कोइराला परिवारनिकट भएका आधारमा गुप्तचरमा भर्ना भएका थिए । त्यस्तै सुशान्त बराल अहिले रूपन्देही प्रमुख छन् । उनी पनि आकर्षक जिल्लाबाट आकर्षक जिल्लामै सरुवा भएका छन् । उनको झापाबाट रूपन्देही सरुवा भएको थियो । त्यस्तै कैलालीका विकास पाण्डेको महेश बस्नेतको सिफारिसमा भक्तपुर सरुवा भएको बताइएको छ । उनी पनि अनुसन्धानमा निपुणभन्दा पनि बजेट सक्ने ध्यानमा मात्र लाग्ने गरेको आरोप छ । विगतमा गरिएको सरुवामा चरम चलखेल गरेको भन्दै गुप्तचर प्रमुख अधिकारीको चर्काे आलोचना भएको थियो । सत्तारुढ दलका नेताहरूको सिफारिसमा उनले सरुवा गरेको र यसले संगठनमा मनोबल खस्किएको गुप्तचर आरोप अधिकांश गुप्तचर अधिकारीहरूको थियो ।