१७ चैत्र २०७७, मंगलवार ०३:२९ बुधवार साप्ताहिक, नयाँबानेश्वर, काठमाण्डौं

खनाल–नेपाल समूहको स्थायी कमिटी बैठक बस्दै

काठमाडौं । नेकपा (एमाले) झलनाथ खनाल–माधवकुमार नेपाल समूहको स्थायी कमिटी बैठक आज (मंगलबार) बस्दैछ । अध्यक्ष केपी ओलीले विधान विपरित पार्टीका नेताहरुलाई कार्वाही तथा निष्कासन गर्न थालेपछि भावी रणनीति तय गर्न स्थायी कमिटी बैठक बस्न लागेको हो ।

बठक दिउँसो १२ बजे कलंकिस्थित मेगा बैंकेटमा बोलाइएको छ । ओलीले हिजो वरिष्ठ नेता नेपाल र उपाध्यक्ष भीम रावललाई ६ महिनाका लागि पार्टीबाट निष्कासन गरेका थिए । त्यस्तै, उपमहासचिव घनश्याम भुषाल र स्थायी कमिटी सदस्य सुरेन्द्र पाण्डेलाई २४ घष्टाभित्र स्पष्टीकरण दिन म्याद तोकिएको छ ।

एमालेको स्थायी कमिटीमा खनाल–नेपाल समूहमा वरिष्ठ नेताद्धय झलनाथ खनाल, माधवकुमार नेपाल, भीम रावल, अष्टलक्ष्मी शाक्य, युवराज ज्ञवाली, घनश्याम भुसाल, गोकर्ण विष्ट, योगेश भट्टराई, भीम आचार्य, मुकुन्द न्यौपाने, रघुजी पन्त, बेदुराम भुसाल, अमृतकुमार बोहोरा छन् ।