५ भाद्र २०७८, शनिबार ०८:३८ बुधवार साप्ताहिक, नयाँबानेश्वर, काठमाण्डौं

जापानले दिएको २ लाख डोज खोप काठमाडौं आईपुग्यो

५ भदौ, काठमाडौ । जापानले उपलब्ध गराएको कोरोना भाइरसविरुद्धको खोपका दुई लाखभन्दा बढी डोज आज काठमाडौं ल्याइपुर्याइएको छ।

जापान सरकारबाट सहयोग भएको अस्ट्रोजेनका कम्पनीका २ लाख ८ हजार ७ सय डोज खोप शनिबार काठमाडौं ल्याइपुर्याइएको हो।

स्वास्थ्य राज्यमन्त्री उमेश श्रेष्ठले जापान सरकारबाट प्राप्त हुने १६ लाख १४ हजार ७ सय ४० डोज खोपमध्ये शनिबार २ लाख ८ हजार ७ सय डोज ल्याइएको जानकारी दिएका छन्।

बाँकी खोप आइतबार र सोमबार ल्याइने जानकारी पनि उनले दिएका छन्।

यसअघि साउन २३ र २४ गते गरी ९ लाख डाेज खोप जापानबाट नेपाल ल्याइएकाे थियाे।