२४ भाद्र २०७८, बिहीबार १२:३२ बुधवार साप्ताहिक, नयाँबानेश्वर, काठमाण्डौं

सत्ता गठबन्धन वैठक : एमसीसीबारे कुरै भएन, अरु एजेण्डामा सामान्य छलफल

२४ भदौं, काठमाडौं । प्रधानमन्त्री निवास बालुवाटारमा बसेको सत्ता गठबन्धनको बैठक सकिएको छ । बैठक भोलि (शुक्रबार) फेरि बस्ने गरी टुंगिएको हो । गठबन्धनका नेता राष्ट्रिय जनमोर्चाका उपाध्यक्ष दुर्गा पौडेलले बैठकमा पर्याप्त छलफल हुन नपाएको जानकारी दिइन् ।

उनले भनिन्, बैठक भोलि बिहान फेरि बस्ने गरी सकिएको छ । ठोस निर्णय केही भएन । शीर्षस्थ नेताहरु पनि व्यस्त हुनु भएकाले छलफल टुंगिएन । मन्त्रिपरिषद् विस्तार र एमसीसी पारित गर्ने / नगर्ने बारे साझा धारणा बनाउन सत्तारुढ गठवन्धनको बैठक प्रधानमन्त्री निवास वालुवाटारमा बसेको थियो ।

बैठकमा उपेन्द्र यादव र माधव नेपाल उपस्थित नहुँदा पर्याप्त छलफल हुन नसकेको पौडेलले बताइन् । एमसीसी संसद्बाट अनुमोदन गर्ने विषयले चर्चा पाइरहेको र एमसीसीकै उपाध्यक्ष फातिमा सुमारसहितको टोली नेपाल भ्रमणमा रहेका बेला देउवाले पाँच दलीय सत्ता गठबन्धनको बैठक बोलाएका थिए ।