१८ आश्विन २०७८, सोमबार ०८:३६ बुधवार साप्ताहिक, नयाँबानेश्वर, काठमाण्डौं

आजै सम्भव भएसम्म मन्त्रिपरिषद विस्तार र शपथग्रहण गराउने तयारी छ : प्रचण्ड

१८ असोज, काठमाडौं । नेकपा माओवादी केन्द्र का अध्यक्ष पुष्पकमल दाहाल ‘प्रचण्ड’ ले आज सम्भव भएसम्म मन्त्रिपरिषद विस्थार र शपथग्रहण गराउने तयारी भइरहेको बताएका छन् ।

नेपाल बुद्धिजीवि संगठनको राष्ट्रिय भेललाई सम्बोधन गर्दै उनले सोमबार सकेसम्म मन्त्रीहरूको शपथग्रहण गराउने तयारी रहेको जानकारी गराए । आफूसँग पर्याप्त समय नभएको स्पष्ट पार्दै सोमबार शपथग्रहण नभए पनि टुंग्याउने पक्षमा रहेको जानकारी गराए । उनले भने, बोल्ने प्रशस्त मन हुँदाहुँदै पनि समय अभाव छ आजै मन्त्रीहरूको शपथग्रहण गराउने भन्ने कुरा छ नभए पनि टुंग्याउन चाहिँ आज टुंग्याउने कुरा भएको छ ।

अध्यक्ष प्रचण्डले एमालेमा विचार र सिद्धान्त नभएको टिप्पणी गर्दै सूर्य चिन्ह र मदन भण्डारी तस्वीर देखाइरहेको बताए । एमालेले अहिले केपी ओलीलाई नै मदन भण्डारी बनाउन खोजेको बताए । माओवादीले समातेको लाइन सही भएको उनको दाबी गरे । जनमत निर्माणमा बुद्धिजीवि संगठनलाई मास्कवादी चिन्तन र विज्ञानका विषयलाई सरल ढंगले जनता समक्ष बुझाउन पनि उनले आग्रह गरे ।