दाङका सबै पालिकामा एमालेको सर्वसम्मत नेतृत्व चयन
१० कात्तिक, दाङ । प्रमुख प्रतिपक्षी दल नेकपा एमालेको आसन्न राष्ट्रिय महाधिवेशन अन्तर्गत दाङमा भएको पालिकास्तरीय अधिवेशनमा सर्वसम्मतरूपमा नयाँ नेतृत्व चयन गरिएको छ ।
मंगलबार एकै पटक देशभर शुरु एमाले पालिकास्तरीय अधिवेशनमा दाङमा आकांक्षीहरू धेरै भए पनि राति अबेरसम्म सर्वसम्मत गराएको दाङ जिल्ला सचिव मनोहर बुढाथोकीले जानकारी दिएका छन् । दाङका जिल्ला १० स्थानीय तहमा सहमतिमा नगर तथा पालिका स्तरीय संगठन कमिटी निर्माण गरिएको छ । यहाँ २ बाट उपमहानगरपालिका, १ नगरपालिका र ७ वटा गाउँपालिका रहेका छन् । लुम्बिनी प्रदेशका पूर्व मुख्यमन्त्री शङ्कर पोखरेलको गृह जिल्ला समेत रहेको दाङमा नयाँ नेतृत्वको लागि आकांक्षीहरु धेरै देखिए पनि अन्ततः सर्वसम्मत गराएर पार्टीको जिल्ला स्तरको नेतृत्व सफल भएको हो । ।
नेकपा एमालेको पालिका अधिवेशन अन्तर्गत तुलसीपुर नगरको अध्यक्षमा माधव ओली सर्वसम्मत चयन भएका छन् । नगर अधिवेशनले ओलीको अध्यक्षतामा ८५ सदस्यीय नगर कमिटी गठन गरेको छ । जसको उपाध्यक्षमा लक्ष्मण चौधरी, सचिवमा रूपबहादुर खत्री, सहसचिवमा युवा करारा, छवि खरेल, र आर्थिक विभाग प्रमुखमा टोपेन्द्र केसी चयन भएका छन् ।
घोराही उपमहानगरपालिकामा भुवन चौधरीको अध्यक्षतामा ७३ सदस्यीय नगर संगठन कमिटी गठन गरिएको छ । उपाध्यक्षमा तारा पुरी, सचिव ईन्द्र बुढाथोकी, उपसचिव काँशीराम खनाल र कुलबहादुर गोतामे रहेका छन् । लमही नगरपालिकामा दण्डिराम चौधरीको अध्यक्षतामा ६९ सदस्यीय नगर संगठन कमिटी गठन गरिएको छ । उपाध्यक्षमा पुनम घर्तीमगर, सचिवमा भानु जोशी, उपसचिवमा सुदर्शन थापा र अनिता शर्मा रहेका छन् ।
बंगलाचुली गाउँपालिकामा पुष्पराज भण्डारीको अध्यक्षतामा ४९ सदस्यीय गाउँपालिका संगठन कमिटी गठन गरिएको छ । उपाध्यक्षमा भीमबहादुर खत्री, सचिवमा भोजराज पन्त, उपसचिवमा पूर्णबहादुर सारू मगर चयन भएका छन् । महिला उपसचिव पछि छनोट गरिने छ ।
राजपुर गाउँपालिकामा हेमकुमार जिसीको अध्यक्षतामा ४० सदस्यीय गाउँपालिका संगठन कमिटी गठन गरिएको छ ।
उपाध्यक्षमा गोविन्द विक, सचिवमा मन्साराम यादव, उपसचिवमा पिममाली घर्ती र लोकबहादुर खड्का रहेका छन् । गढवा गाउँपालिकामा बाबुराम अधिकारीको अध्यक्षतामा ५३ सदस्यीय गाउँपालिका संगठन कमिटी गठन गरिएको छ । उपाध्यक्षमा मधा न्यौपाने, सचिवमा शिवराज पन्थी, उपसचिवमा केशरी गिरी र मानबहादुर वली रहेका छन् ।
शान्तिनगर गाउँपालिकामा धनबहादुर केसीको अध्यक्षतामा ४३ सदस्यीय गाउँपालिका संगठन कमिटी गठन गरिएको छ । उपाध्यक्षमा थम्मनबहादुर कनौ मगर, सचिवमा टीकाराम रिजाल, उपसचिवमा शान्ति कँडेल र राकेश बुढाथोकी रहेका छन् ।
राप्ती गाउँपालिका संगठन कमिटीको अधिवेशनले मदन अधिकारीको अध्यक्षतामा ४५ सदस्यीय गाउँपालिका संगठन कमिटी सर्वसम्मत चयन गरेको छ । उपाध्यक्षमा कमलापति चौधरी, सचिवमा भरतमणि न्यौपाने, उपसचिवमा रामबहादुर सुनार र रामबहादुर केसी सर्वसम्मतिबाट चयन भएका छन् । दंगीशरणमा रेशम वली, बबई गाउँपालिकामा जीतबहादुर वली, रहेका छन् ।
सम्बन्धित समाचार
- सत्ता गठबन्धन फेरिएकै दिन नेप्से परिसूचक ११७.७० अंकले बृद्धि
- आज तीन मन्त्रीले शपथ लिँदै
- बालुवाटारमा नयाँ गठबन्धनको बैठक जारी
- दुई वर्ष प्रचण्ड नै प्रधानमन्त्री, त्यसपछि ओली
- बालुवाटारमा प्रचण्ड र ओलीबीच एक घण्टा वार्ता
- हङकङमा टी-२० सिरिज खेल्ने १४ सदस्यीय टिम घोषणा
- राष्ट्रियसभाका अध्यक्षसहित २० सांसदको पदावधि आजदेखि सकिने
- भ्रष्टाचारमा मुछिएका माओवादी नेता पुरीले दिए पदबाट राजीनामा
- फर्जी हाजिरी गरेर १ लाख तलबभत्ता लिने चार शिक्षकविरुद्ध भ्रष्टाचार मुद्दा
- स्कारपियोले मोटरसाइकललाई ठक्कर दिँदा २ युवकको मृत्यु
- चितवनमा जनतासँग एमाले कार्यक्रम शुरु
- कृष्ण कँडेलविरुद्ध करणी उद्योगमा मुद्दा दर्ता
Leave a Reply