१३ मंसिर २०७८, सोमबार ०९:४५ बुधवार साप्ताहिक, नयाँबानेश्वर, काठमाण्डौं

लालबाबु पण्डितद्वारा एमालेको केन्द्रीय सदस्य पद अस्वीकार

१३ मंसिर, चितवन । नेकपा एमालेका नेता एवं पूर्वमन्त्री लालबाबु पण्डितले नेकपा एमालेको केन्द्रीय सदस्य पद अस्वीकार गरेका छन् । उनले अब पार्टीको सामान्य संगठित सदस्य मात्रै भएर बस्ने बताएका छन् । केपी ओलीले केन्द्रीय सदस्यमा सिफारिस गरेको भए पनि पण्डितले केन्द्रीय सदस्य पद त्यागेको घोषणा गरेका हुन् ।

मैले केन्द्रीय सदस्य पद त्यागिदिएँ अब संगठित सदस्य मात्र भएर बस्छु, प्रतिनिधिसभा सदस्य समेत रहेका एमाले नेता पण्डितले भने, ‘त्यो पनि रहन दिएनन् भने त्यो पनि त्यागिदिन्छु । एमाले नेता पण्डितले यसअघि आफू पदाधिकारीमा चुनाव लड्ने बताएका थिए । खास गरी उनले पार्टीको सचिव पदमा मागदाबी गरेका थिए । तर, केपी ओलीले घोषणा गरेको १९ सदस्यीय पदाधिकारीको सूचीमा पण्डितको नाम नपरेपछि उनले केन्द्रीय सदस्य समेत त्यागेर संगठित सदस्य मात्रै रहने घोषणा गरेका हुन् ।

मोरङमा डा. शेखर कोइरालालाई चुनाव हराएका पण्डित एमालेका पुराना एवं त्यागी नेतामध्ये एक हुन् । सामान्य प्रशासनमन्त्री हुँदा डीभी भर्ने कर्मचारीमाथि कडारुपमा प्रस्तुत भएका पण्डित एमालेका लोकप्रिय नेतामध्ये एक मानिन्छन् ।