११ पुष २०७८, आईतवार ०५:४७ बुधवार साप्ताहिक, नयाँबानेश्वर, काठमाण्डौं

माओवादीमा : १५ जना पदाधिकारी रहने, वरिष्ठसहित ७ उपाध्यक्ष र ३ सचिव

११ पुस, काठमाडौं । नेकपा माओवादी केन्द्रले १५ पदाधिकारी राख्ने भएको छ ।

केन्द्रीय समितिको बैठकले पास गरेको विधान अनुसार पार्टीमा एक जना अध्यक्ष, एक जना वरिष्ठ उपाध्यक्ष, ६ जना उपाध्यक्ष, एक महासचिव, दुई उपमहासचिव, तीन सचिव र एक जना कोषाध्यक्ष रहनेछ ।

यसअघि प्रथम सम्मेलन गर्ने तयारी गरेको माओवादीले त्यसलाई पनि महाधिवेशनमा रुपान्तरण गरेसँगै आइतबार ३ बजे हुने आठौं महाधिवेशनको उद्घाटन कार्यक्रममा अन्य दललाईसमेत निम्तो गरेको छ ।

स्राेतका अनुसार महाधिवेशनमा रूपान्तरण गरेसँगै उद्घाटन सत्रमा नेपाली कांग्रेस, नेकपा एमाले, जसपा, नेकपा (एकीकृत समाजवादी), राष्ट्रिय जनमोर्चा, नेमकिपा, नेकपा माले, राप्रपालगायत दललाई निमन्त्रणा गरिएको छ ।