१ फाल्गुन २०७८, आईतवार ११:४२ बुधवार साप्ताहिक, नयाँबानेश्वर, काठमाण्डौं

जबरा पदमुक्त नभएसम्म आन्दोलन जारी रहन्छ : बार अध्यक्ष श्रेष्ठ

१ फागुन, काठमाडौं । नेपाल बार एशोसिएसन र सर्वोच्च अदालत बार एशोसिएसनले निलम्बित प्रधानन्यायाधीश चोलेन्द्रशमशेर जबरा पदमुक्त नभएसम्म आन्दोलन जारी रहने बताएको छ ।

प्रधानन्यायाधीश जबराविरुद्ध संसदमा महाअभियोग दर्ता भए लगत्तै नेपाल बार एशोसिएसनका अध्यक्ष चण्डेश्वर श्रेष्ठ र सर्वोच्च अदालत बार एशोसिएसनका अध्यक्ष पूणर्मान शाक्यले नयाँ प्रधानन्यायाधीशले सपथ नलिएसम्म आफूहरुको आन्दोलनलाई अझै सशक्त बनाएर लैजाने बताएका हुन् ।

आइतबार नेपाल बार एशोसिएसन परिसरमा कानून व्यवसायीलाई सम्बोधन गर्दै बार अध्यक्ष श्रेष्ठले प्रधानन्यायाधीश जबराविरुद्ध संसदमा व्यापक छानवीन हुनुपर्ने माग गरे । उनले न्यायालयमा सुधारका थुप्रै कामहरु भएको र त्यो नभएसम्म आफूहरुको आन्दोलन नरोकिने पनि स्पष्ट पारे ।

सर्वोच्च अदालत बार एशोसिएसनका अध्यक्ष शाक्यले जबरा पदच्युत नभएसम्म आफूहरुको आन्दोलन जारी रहने बताए । जबरा निलम्बित प्रधानन्यायाधीश भएको र उनले संविधान अनुसार सर्वोच्चको गेटमा समेत प्रवेश गर्ने अनुमति नपाउने उनले दावी गरे ।

विरोध कार्यक्रममा बोल्दै नेपाल बार एशोसिएसनका पूर्व अध्यक्षद्धय हरिहर दाहाल र शम्भु थापाले न्यायपालिकाको सुधार नभएसम्म आन्दोलन जारी राख्न बारको नेतृत्वलाई आग्रह गरे । अर्का अभिवक्ता शम्भु थापाले न्यायपालिकामा देखिएको भ्रष्टाचार अन्त्य गर्नका लागि नेपाल बारले शुरु गरेको आन्दोलनलाई जारी राख्नुपर्ने बताए