४ फाल्गुन २०७८, बुधबार ०६:३७ बुधवार साप्ताहिक, नयाँबानेश्वर, काठमाण्डौं

प्रधानमन्त्रीलाई भेट्न बालुवाटार पुगे प्रचण्ड

४ फागुन, काठमाडौं । सहमतिबिना एमसीसी अघि बढाइए सरकारबाट बाहिरिने निर्णय संसदीय दलबाट गराएलगत्तै माओवादी अध्यक्ष प्रचण्ड बालुवाटार गएका छन् ।

पार्टीको निर्णय सुनाउन र सहमतिबिना एमसीसी अघि नबढाउन आग्रह गर्न प्रचण्ड प्रधानमन्त्री शेरवहादुर देउवालाई भेट्न गएका हुन् ।

कार्यव्यवस्था परामर्श समितिको बैठकमा कांग्रेसले एमसीसीलाई आजको कार्यसूचीमा राख्न दबाब दिएको छ भने प्रचण्डले बालुवाटारमा पुगेर एमसीसी अघि बढाइए आजै सरकार छाड्ने जानकारी दिन लागेको माओवादी नेता देव गुरुङले बताए । माओवादीका मन्त्रीहरुलाई पनि आवश्यक परे आजै राजीनामा दिनुपर्ने बताइएको छ ।

एमसीसीको सन्दर्भमा माओवादी रिजिड बनेको र माधव नेपाल लचिलो बनेको ब्रिफिङ कानूनमन्त्री दिलेन्द्र बडूले कांग्रेस नेताहरुलाई गरेका छन् ।

माओवादीले भने एमसीसी जबर्जस्त अघि बढाइए गठबन्धन टुट्ने प्रष्ट सन्देश दिएको छ । त्यही सन्देश दिन प्रचण्ड बालुवाटार गएका हुन् ।