२ बैशाख २०७९, शुक्रबार ०७:२७ बुधवार साप्ताहिक, नयाँबानेश्वर, काठमाण्डौं

अर्जुन दास हत्या प्रकरण : तीन महिनापछि ४ जना पक्राउ

२ वैशाख, काठमाडौं । घाँटी छिनालेर रुखमा झुन्ड्याइएको अवस्थामा फेला परेका कैलालीको जानकी गाउँपालिका–९, अमरावतीका अर्जुन दासको हत्या आरोपमा प्रहरीले चार जनालाई पक्राउ गरेको छ।

घटनाको झन्डै तीन महिनापछि बिहीबार प्रहरीले भारतकाे बाेर्डरबाट उनीहरूलाई पक्रेको हो।

प्रहरीका अनुसार हत्या घटना अनुसन्धानका लागि सुमित साउद, मनोज भण्डारी, दिलीप दास र बम बोहरालाई पक्राउ गरिएको हो।

भारतमा लुकिछिपी बसेका उनीहरु काम खाेज्न भैरहवा आउँदै गर्दा बिहीबार बाेर्डरबाट पक्राउ परेकाे महानगरीय अपराध महाशाखाले जनाएकाे छ।

अर्जुन दासकाे शव गत पुस पहिलो साता घाँटी छिनालेर रुखमा बाँधिएको बीभत्स अवस्थामा स्थानीय अमरावती सामुदायिक वनमा फेला परेकाे थियाे।

प्रहरीले शुक्रबार काठमाडाैँमा पत्रकार सम्मेलन गरी अभियुक्त सार्वजनिक गरेकाे हाे।