३० बैशाख २०७९, शुक्रबार ०५:५२ बुधवार साप्ताहिक, नयाँबानेश्वर, काठमाण्डौं

स्थानीय तह निर्वाचन अपडेट : ११:१५ बजेसम्म २५ प्रतिशत मत खस्यो

२९, वैशाख, काठमाडौं । स्थानीय तह सदस्य निर्वाचन अन्तर्गत देशभर मतदान भइरहेको छ । ७५३ पालिकाका लागि भएको मतदानमा बिहान ११ बजेसम्म २५ प्रतिशत मत खसेको निर्वाचन आयोगले जनाएको छ ।

आयोगका प्रवक्ता शालिग्राम शर्मा पौडेलले बिहान ११:१५ सम्मको अपडेटमा औसत २५ प्रतिशत मत खसेको जानकारी दिए । अहिलेसम्म औसत २५ प्रतिशत मत खसेको छ, प्रवक्ता पौडेलले भने । बिहान ७ बजेदेखि साँझ ५ बजे सम्म मतदाताले जनप्रतिनिधि चुन्नका लागि मतदान गरिरहेका छन् । देशका ७७ जिल्लाका १० हजार ७ सय ५६ मतदानस्थलका २१ हजार ९ सय ५५ मतदान केन्द्रहरूमा १ करोड ७७ लाख ३३ हजार ७ सय २३ मतदाताले मतदान गर्दैछन् ।