३१ जेष्ठ २०७९, मंगलवार १५:२९ बुधवार साप्ताहिक, नयाँबानेश्वर, काठमाण्डौं

एमालेले सातै प्रदेशमा पार्टी अनुशासनबारे प्रशिक्षण दिने

३१ जेठ,काठमाडौं । नेकपा (एमाले) ले सात वटै प्रदेशमा पार्र्टीे अनुशासनकाबारेमा प्रशिक्षण कार्यक्रम सञ्चालन गर्ने भएको छ । मंगलबार पार्टी केन्द्रीय कार्यालय च्यासलमा बसेको पार्टीको केन्द्रीय अनुशासन आयोगको बैठकले सो निर्णय गरेको हो ।

सातै प्रदेशमा अनुशासनसँग सम्बन्धित विषयवस्तु, पार्र्टीे सिद्धान्त, कार्यक्रम र कार्यनीतिका बारेमा आगामी साउन महिनाको दोस्रो हप्तादेखि चौंथो हप्तासम्म सक्ने गरी सो प्रशिक्षण कार्यक्रम राख्ने निर्णय गरेको आयोगले जनाएको छ । पार्टीभित्र देखापरेका अनुशासनहिनतालाई वैचारिक रुपमा परास्त गर्ने उद्देश्यका साथ प्रदेशस्तरीय प्रशिक्षण कार्यक्रम आयोजना गर्ने निर्णय लिइएको आयोगका अध्यक्ष केशव बडालले बताउनुभयो । बैठकले पार्टीको सिद्धान्त, मूल्यमान्यता र अनुशासन विपरितका कुनै पनि गतिविधि हुन नदिन सबै कमिटीहरुलाई पत्राचार गर्ने निर्णय पनि गरेको छ ।

बैठकले उमानाथ ओली, प्रदिप प्याकुरेल, लालमणि चौधरी, दिपक देवकोटा र पूर्णशोभा चित्रकारलाई आयोगको सदस्य थप गर्ने निर्णय पनि गरेको छ ।