१० असार २०७९, शुक्रबार ०२:०७ बुधवार साप्ताहिक, नयाँबानेश्वर, काठमाण्डौं

काठमाडौंमा भारी वर्षा, नदी किनारको यात्रा गर्दा होशियार हुन आग्रह

१० असार, काठमाडौं । काठमाडौं उपत्यकामा गएराति देखि नै वर्षा भइरहेको छ । पछिल्लो चार घण्टामा काठमाडौं उपत्यकाका धेरै स्थानमा भारी वर्षा मापन गरिएको जल तथा मौसम विज्ञान विभागले जानकारी दिएको छ ।

गए राति देखिनै वर्षा भइरहेको काठमाडौंका दिउँसो केही समय वर्षा रोकिने तर अपराह्न पुनः वर्षा हुने मौसमविद् हिरा भट्टराईले जानकारी दिएका छन् ।

लगातारको बर्षाका कारण हनुमन्ते, मनोहरा, वागमती र यसका सहायक नदीमा जलसतह बढेको छ । यी नदीमा जल सतह बढेका कारण किनारको बाटो भई यात्रा गर्दा अर्को तीन घण्टा होशियारी अपनाउन विभागले आग्रह गरेको छ ।