२१ असार २०७९, मंगलवार ०७:०२ बुधवार साप्ताहिक, नयाँबानेश्वर, काठमाण्डौं

रामेछाप बस दुर्घटना : थप तीनको मृत्यु, मृत्तकको संख्या १२ पुग्यो

२१ असार, रामेछाप । रामेछापबाट काठमाडौं आउँदै गरेको बस दुर्घटनामा ज्यान गुमाउनेको संख्या १२ पुगेको छ । तीन जनाको काभ्रेको धुलिखेल अस्पतालमा मृत्यु भएको जिल्ला प्रहरी कार्यालय रामेछापका प्रमुख डीएसपी राजकुमार थिंकले जानकारी दिएका छन् ।

रामेछापबाट काठमाडौं आउँदै गरेको बस दुर्घटना रामेछापको सुनापति गाउँपालिका-५ सीमानामा आज बिहान बस दुर्घटना हुँदा घटनास्थलमै ९ जनाको मृत्यु भएको थियो । घाइतेमध्ये १५ जनालाई धुलिखेल अस्पताल पठाइएकोमा तीन जनाको मृत्यु भएको हो ।
अहिलेसम्म मृतकको पहिचान खुलेको छैन ।

अहिलेसम्म उद्धारमै लागेकाले सनाखत हुन नसकेको र सनाखतका लागि आफन्तलाई बोलाइएको डीएसपी थिंकले बताएका छन् । ३ जनालाई हेलिकप्टरमार्फत काठमाडौं ल्याइएको छ । बा ३ ख ८३९६ को बस बिहान १० बजेतिर दुर्घटना भएको हो । २१ जना घाइतेलाई धुलिखेल अस्पताल लगिएको उनले जानकारी दिए । दुर्घटनामा २१ जना घाइते छन् ।