२४ असार २०७९, शुक्रबार १५:१४ बुधवार साप्ताहिक, नयाँबानेश्वर, काठमाण्डौं

आबेको निधनमा भोलि राष्ट्रिय शोक मनाउने नेपाल सरकारको निर्णय

२४ असार,काठमाडौँ । जापानका पूर्व प्रधानमन्त्री शिन्जो आबेको निधनमा नेपाल सरकारले भोलि राष्ट्रिय शोक मनाउने निर्णय गरेको छ ।

आज बसेको मन्त्रिपरिषद् बैठकले आबेको निधनप्रति दुःख व्यक्त गर्दै शनिबार राष्ट्रिय शोक मनाउने निर्णय गरेको हो । आबेमाथि भएको गोली प्रहारलाई नेपालले घोर भर्त्सना पनि गरेको छ ।

यसअघि प्रधानमन्त्री शेरबहादुर देउवासहित नेकपा एमालेका अध्यक्ष केपी शर्मा ओली, नेकपा माओवादी केन्द्रका अध्यक्ष पुष्पकमल दाहाललगायतले आबेको निधनप्रति दुःख व्यक्त गरेका थिए ।

नारा शहरमा भएको एक चुनावी कार्यक्रममा भाषण गरिरहेको अवस्थामा आज बिहान पूर्व प्रधानमन्त्री आबेमाथि गोली प्रहार भएको थियो । गोली प्रहार भएपछि गम्भीर घाइते भएका आबेको उपचारका क्रममा निधन भएको हो । गोली लागेर ढलेका उनलाई हृदयघात समेत भएको थियो ।