५ श्रावण २०७९, बिहीबार ०२:२९ बुधवार साप्ताहिक, नयाँबानेश्वर, काठमाण्डौं

पोखरीमा डुबेर बाबु-छोरीको मृत्यु

५ साउन, स्याङजा । स्याङ्जाको गल्याङ-६ पेलाकोटमा पोखरीमा डुबेर बाबु-छोरीको मृत्यु भएको छ । बुधबार साँझ पेलाकोटस्थित सिँचाइका लागि बनाइएको पोखरीमा डुबेर गल्याङ-६ का ३३ वर्षीय बिन्द्र गुरुङ र उनकी चार वर्षीया छोरी सोफियाको मृत्यु भएको हो ।

जिल्ला प्रहरी कार्यालयका प्रवक्ता रवीन्द्र खनालका अनुसार सोफिया पोखरीमा डुबेको देखेपछि उनको उद्धार गर्ने क्रममा बुबा बिन्द्र पनि डुबेका थिए । तत्काल उद्धार गरी वालिङस्थित गह्रौँ प्राथमिक अस्पतालमा पुर्‍याइएकामा चिकित्सकले दुवै जनालाई मृत घोषणा गरेको थियो ।