५ मंसिर २०७९, सोमबार ०९:३८ बुधवार साप्ताहिक, नयाँबानेश्वर, काठमाण्डौं

चितवन–२ : एमालेका कृष्णभक्तको अग्रता, रवि लामिछाने तेस्रो

५ मंसिर, चितवन । चर्चामा रहेको चितवन क्षेत्र नम्बर २ मा मतगणना शुरु भएको छ । राष्ट्रिय स्वतन्त्र पार्टीका सभापति रवि लामिछाने उम्मेदवार रहेका कारण यो क्षेत्र देशभरमै चर्चामा छ ।

चितवन क्षेत्र नम्बर–२ हालसम्म १०० मत गन्दा नेकपा एमालेका कृष्णभक्त पोखरेलले अग्रता बनाएका छन् । उनले ५३ मत ल्याउँदै पहिलो नम्बरमा रहँदा दोस्रो नम्बरमा सत्ता गठबन्धनबाट नेपाली कांग्रेसका उमेश श्रेष्ठ छन् । उनले ३३ मत ल्याएका छन् ।

यता रास्वपाका रविले मात्र ५ मत ल्याएका छन् । यहाँ चुनावी प्रचारका क्रममा नारायणी किनारमा रविले ठूलो सभा गरेका थिए । चितवन क्षेत्र नम्बर २ मा ६७.३ प्रतिशत मत खसेको छ । यस क्षेत्रमा एक लाख २४ हजार २१४ मतदाता छन् ।