१० माघ २०७९, मंगलवार ०९:३३ बुधवार साप्ताहिक, नयाँबानेश्वर, काठमाण्डौं

बाजुरामा भूकम्पको धक्का, घर भत्कियो

१० माघ,बाजुरा । बाजुरामा मंगलबार भूकम्पको कडा धक्का महसुस गरिएको छ । दिउँसो २ बजेर ४३ मिनेटमा बाजुराको बिच्छ्या आसपास केन्द्रविन्दु भएर ५.९ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जानाएको छ ।

बाजुरा बडिमालिका नगरपालिका–७ मा एउटा घर भत्केको डिएसपी सूर्य थापाले जानकारी दिएका छन् । उनका अनुसार मानवीय क्षति भए–नभएकोबारे जानकारी आइनसकेको बताएका छन् ।

उद्दारका लागि प्रहरी परिचालन गरिएको डिएसपी सूर्य थापाले बताए । उक्त भूकम्पको धक्का बाजुरासहित आसपासका जिल्लामा समेत महसुस गरिएको थियो । केन्द्रका अनुसार यो परकम्प नभई नयाँ भूकम्प हो ।