१८ माघ २०७९, बुधबार ०७:४९ बुधवार साप्ताहिक, नयाँबानेश्वर, काठमाण्डौं

प्रतिनिधि सभा बैठक शुरू

१८ माघ,काठमाडौं । संघीय संसदअन्तर्गतको प्रतिनिधि सभा बैठक शुरु भएको छ । बैठकमा सभामुख देवराज घिमिरेले राष्ट्रपति कार्यालयबाट प्राप्त कार्यभार तोकिएकोसम्बन्धी पत्रको व्यहोरा पढेर सुनाउने कार्यसूची रहेको छ ।

बैठकमा प्रधानमन्त्री पुष्पकमल दाहाल ‘प्रचण्ड’ ले राष्ट्रिय मानव अधिकार आयोगको २२ औं वार्षिक प्रतिवेदन (आ.व.२०७८/०७९) पेश हुने कार्यसूचीमा उल्लेख छ । यस्तै, बैठकमा सभामुख घिमिरेले प्रतिनिधि सभामा रिक्त रहेको पदबारे संसद सचिवालयलाई जानकारी गराउन कार्यसूची छ ।

संसद सचिवालयका अनुसार सभामुख घिमिरेले नेपालको संविधानको धारा ८९ को खण्ड (ख) बमोजिम प्रतिनिधि सभा सदस्यको रिक्त रहेको स्थानबारे जानकारी प्रतिनिधि सभा नियमावली २०७५ नियम २१२ को (१)बमोजिम गराउने छन् ।