१९ माघ २०७९, बिहीबार ०२:२० बुधवार साप्ताहिक, नयाँबानेश्वर, काठमाण्डौं

धुम्बाराहीमा आज कांग्रेस संसदीय दल कार्य समितिको बैठक बस्दै

१९ माघ, काठमाडौं । नेपाली कांग्रेस संसदीय दल कार्यसमितिको बैठक आज (बिहीबार) बस्ने भएको छ । बिहान ९ बजे पार्टी सभापति शेरबहादुर देउवा निवास धुम्बाराहीमा कार्य समितिको बैठक बस्ने भएको हो ।

राष्ट्रियसभा उपाध्यक्ष र समसामयिक राजनीतिक घटनाक्रमबारे छलफल गर्नका लागि बैठक बोलाइएको राष्ट्रियसभाका लागि कांग्रेसका मुख्य सचेतक रमेश लेखकले जानकारी दिएका छन् । पछिल्लो राजनीतिक घटनाक्रमका बारेमा गम्भीर छलफल गरेर मात्र आवश्यक निर्णय लिनेगरी बैठक बोलाइएको उनले बताएका छन् ।

निर्वाचन आयोगले राष्ट्रपति निर्वाचनको मिति घोषणा गरेसँगै कांग्रेसले त्यसबारे पनि छलफल बाक्लो बनाएको छ । १० पुसमा प्रधानमन्त्री बनेका पुष्पकमल दाहाल ‘प्रचण्ड’ लाई विश्वासको मत दिएको कांग्रेसले राष्ट्रिय सहमतिको आधारमा राष्ट्रपति पद पाउन पर्ने बताउँदै आएको छ ।

यद्यपि सत्तारुढ गठबन्धनमा भने नेकपा एमालेले आफ्नो भागमा परेको भन्दै कांग्रेसलाई राष्ट्रपति नदिने बताएको छ । यसबारे पनि आजको बैठकमा छलफल हुने बताइएको छ ।