२२ माघ २०७९, आईतवार ११:५० बुधवार साप्ताहिक, नयाँबानेश्वर, काठमाण्डौं

उपचुनाव नजितेसम्म कुनै पदमा जान्नँ : रवि लामिछाने

२२ माघ, काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले चितवन–२ बाट उपनिर्वाचनबाट निर्वाचित नभई कुनै पदमा नजाने बताएका छन् ।

सरकारबाट बाहिरिने, तर समर्थन कायमै राख्ने पार्टीको निर्णयबारे जानकारी दिन आयोजित पत्रकार सम्मेलनमा लामिछानेले भने, ‘उपनिर्वाचनबाट निर्वाचित नभई कुनै पदमा जान्नँ । उनले सञ्चारमाध्यमहरुले आफूलाई निरन्तर खेदेको भन्दै आक्रोश समेत पोखेका छन् । उनले आफ्नो नागरिकतामा प्रक्रियागत त्रुटी रहेको र त्यसलाई आफूले स्वीकारेको बताउँदै आफ्नो नागरिकतामा त्रुटी भेटिए पनि चितवनका आम मतदाताको कुनै दोष नभएको बताए । उनले आफू उपचुनाव लड्न तयार रहेको बताउँदै चितवनबासीको सहयोगप्रति धन्यवाद दिएका छन् ।
गलत काम गर्ने सञ्चारमाध्यमको कार्यालय घेर्ने चेतावनी
राष्ट्रिय स्वतन्त्र पार्टी (रास्वपा) का सभापति रवि लामिछानेले आधारहीन समाचार लेखे कान्तिपुर मिडियासहितका सञ्चार गृह घेर्ने चेतावनी दिएका छन् ।

अब आधारहीन समाचार लेखे अब आधारविहीन समाचार लेख्यो भने अब म कान्तिपुर घेर्न आउँछु, उनले भने, आधारसहित हाल्नुस् नो प्रब्लम् । तपाईसँग रिडरहरु छन् होला, मसँग पनि शुभचिन्तकहरु होलान् । तपाईको पत्रिकामा सस्क्राइबर्सहरु होलान् मेरा पनि सत्कर्मले आर्जन गरेका साथीहरू छन् । सबैलाई लिएर घेर्न आउँछु खबरदार । उनले गलत ढंगले गर्ने कुनै पनि मिडियालाई नमान्ने बताए ।