२७ फाल्गुन २०७९, शनिबार ०७:४३ बुधवार साप्ताहिक, नयाँबानेश्वर, काठमाण्डौं

चुनाव जित्छु मलाई सबैको साथ रहने छ : उम्मेदवार शाक्य

२७ फागुन, काठमाडौँ । नेकपा एमालेबाट उपराष्ट्रपतिकी उम्मेदवार बनेकी अष्टलक्ष्मी शाक्यले लोकतन्त्रलाई सुदृढ बनाउने हो भने सबैले सोच्न जरुरी रहेको बताएकी छन् । पार्टी उपाध्यक्ष समेत रहेकी शाक्यले उपराष्ट्रपति पदका लागि उम्मेदवार दर्ता पछि एमाले लोकतन्त्रमा विश्वास गर्ने दल भएकाले सबैको सहयोग हुने बताएकी हुन् । उनले आफूले निर्वाचन जित्ने समेत दावी गरिन् ।

सञ्चारकर्मीसँग कुराकानी गर्दै उनले भनिन्, लोकतन्त्रलाई सुदृढ बनाउने हो भने सबैले सोच्न जरुरी छ । लोकतन्त्रमा हामी विश्वास गर्ने भएकाले सबैको सहयोग रहनेछ ।

शाक्यले शनिबार संसद् भवनस्थित उपराष्ट्रपतिको लागि निर्वाचन अधिकृतको कार्यालयमा पुगेर उम्मेदवारी दर्ता गराएकी छन् । उम्मेदवारीका लागि उपाध्यक्ष शाक्यसँगै नेकपा एमाले अध्यक्ष केपी शर्मा ओली, उपाध्यक्ष सुवासचन्द्र नेम्वाङ पनि पुगेका थिए । उपराष्ट्रपतिको निर्वाचन चैत्र ३ गते हुँदैछ ।