६ चैत्र २०७९, सोमबार ०६:४४ बुधवार साप्ताहिक, नयाँबानेश्वर, काठमाण्डौं

रासायनिक मलमा अनुदान कटौतीको निर्णय फिर्ता

६ चैत, काठमाडौं । रासायनिक मलको मूल्यवृद्धि हुने गरी अनुदान कटौती गर्ने निर्णयबाट सरकार पछि हटेको छ।

रासायनिक मल आयातमा प्रदान गर्दै आएको अनुदान घटाउने निर्णय सरकारले फागुन ३० मा गरेको थियो।

उक्त निर्णयलाई सोमबार बसेको मन्त्रिपरिषद बैठकले उल्ट्याउँदै रासायनिक मलमा दिँदै आएको अनुदान यथावत राख्ने निर्णय गरेको हो।

बैठकले रासायनिक मलमा दिँदै आएको अनुदानबारे विस्तृत अध्ययनपछि आवश्यक गरी आगामी दिनमा थप व्यवस्थित र वैज्ञानिक बनाउने निर्णयसमेत गरेको सञ्चारमन्त्रालयले जनाएको छ।