१३ चैत्र २०७९, सोमबार ०६:४८ बुधवार साप्ताहिक, नयाँबानेश्वर, काठमाण्डौं

प्रचण्ड-देउवा-नेपाल वार्ता : मन्त्रिपरिषद् विस्तार मंगलबार

१३ चैत,काठमाडौं । प्रधानमन्त्री पुष्पकमल दाहाल ‘प्रचण्ड’ नेतृत्वको सरकारले भोलि पूर्णता पाउने भएको छ । आज (सोमबार) बिहान प्रधानमन्त्री निवास बालुवाटारमा प्रधानमन्त्री प्रचण्ड, नेपाली कांग्रेसका सभापति शेरबहादुर देउवा र एकीकृत समाजवादीका अध्यक्ष माधवकुमार नेपालबीच भएको बैठकले मन्त्रिपरिषद्लाई पूर्णता दिने निर्णय गरेको हो ।

भोलि (मंगलबार) ४ बजे १० दलको बैठक बसेर मन्त्रिपरिषद्लाई पूर्णता दिने निर्णय भएको प्रधानमन्त्रीका स्वकीय सचिव रमेश मल्लले जानकारी दिएका छन् । शीर्ष तीन नेताबीच मन्त्रिपरिषद्लाई पूर्णता दिन भोलि मंगलबार अपरान्ह ४ बजे गठबन्धनको बैठक बोलाउने सहमति भएको मल्लले जानकारी दिए ।