१४ चैत्र २०७९, मंगलवार ११:०१ बुधवार साप्ताहिक, नयाँबानेश्वर, काठमाण्डौं

मिटरब्याजमा रकम असुलीलाई अपराध घोषणा गर्ने सरकारको निर्णय

१४ चैत, काठमाडौं । सरकारले मिटरब्याज लिनुलाई अपराध घोषणा गरेर सजाय गर्न कानुनी व्यवस्था गर्ने निर्णय गरेको छ ।

मंगलबार बसेको मन्त्रिपरिषद बैठकले मुलुकी अपराध संहितालाई संशोधन गरेर मिटरब्याजमा रकम असुलीलाई अपराध घोषणा गर्ने निर्णय गरेको एक मन्त्रीले जानकारी दिए ।

गाउँमा साहुकारसँग लिएको चर्को ब्याजको ऋण (मिटरब्याज) का कारण जायजेथा गुमाउनुपरेको भन्दै न्याय माग्न मधेशका जिल्लाबाट एक टोली पैदल हिँडेर काठमाडौं आएको छ ।

उनीहरुले काठमाडौं आएर माइतीघरमा प्रदर्शन थालेको दुई दिनपछि सरकारले मिटरब्याजलाई अपराध घोषणा गर्ने निर्णय गरेको हो ।