१७ चैत्र २०७९, शुक्रबार ०६:१५ बुधवार साप्ताहिक, नयाँबानेश्वर, काठमाण्डौं

राष्ट्रपतिसँग छलफल गरेर फर्किए प्रधानमन्त्री प्रचण्ड

१७ चैत, काठमाडौं । प्रधानमन्त्री पुष्पकमल दाहाल प्रचण्डले राष्ट्रपति रामचन्द्र पौडेलसँग भेटवार्ता गरेर फर्किएका छन्। प्रचण्ड पौडेललाई भेट्न बिहान साढे ९ बजे शीतलनिवास पुगेका थिए।

आजै मन्त्रिपरिषद् विस्तारको तयारीमा रहेका प्रधानमन्त्री प्रचण्डले त्यसअघि राष्ट्रपति पौडेलसँग छलफल गरेका हुन्। प्रधानमन्त्रीको सचिवालय स्रोतका अनुसार आजै दिउँसो ३ बजेसम्म नयाँ मन्त्रीहरूको शपथ गराउने तयारी गरिएको छ।

मन्त्रीहरूको शपथका लागि राष्ट्रपति कार्यालयमा व्यवस्थापन लगायतका विषयमा छलफल गर्न प्रधानमन्त्री प्रचण्ड शीतलनिवास पुगेका हुन्।

राष्ट्रपति कार्यालयले प्रधानमन्त्री र राष्ट्रपतिको भेटलाई नियमित भेटघाटका रुपमा लिएको छ।