२१ चैत्र २०७९, मंगलवार ०७:३२ बुधवार साप्ताहिक, नयाँबानेश्वर, काठमाण्डौं

रवि लामिछानेको उम्मेदवारीविरुद्ध उजुरी

२१ चैत, चितवन । आउँदो वैशाख १० गते हुने उपनिर्वाचनमा चितवन–२ मा राष्ट्रिय स्वतन्त्र पार्टी (रास्वपा) उम्मेदवार रवि लामिछानको उम्मेदवारीविरुद्ध उजुरी परेको छ । दाबी विरोधको दिन आज (मंगलबार) लामिछानेविरुद्धमा एक व्यक्तिले इमेलमार्फत उजुरी दिएका हुन् ।

उजुरी दर्ता गराउँदा निर्वाचन अधिकृतको कार्यालयमा पुगेरै उजुरी दिए मात्रै त्यस उजुरीलाई आधार मान्ने बताउँदै जिल्ला निर्वाचन अधिकृत भिमसेन कार्कीले यो बिषयमा के गर्ने भन्ने छलफल बाँकी रहेको बताएका छन् । उनका अनुसार सर्वोच्चमा रिट परेको व्यक्तिले उम्मेदवारी दिन नमिल्ने भन्दै उम्मेदवारी खारेजको माग राखेर उजुरी गरेका छन् । यद्यपी, यसरी इमेलमार्फत परेको उजुरीलाई मान्न नसकिन निर्वाचन अधिकृत कार्की बताउँछन् ।