२५ बैशाख २०८०, सोमबार १३:३७ बुधवार साप्ताहिक, नयाँबानेश्वर, काठमाण्डौं

संवैधानिक परिषदको बैठक सुरु

२५ वैशाख, काठमाडौँ । प्रधानन्यायाधीश नियुक्तिबारे छलफल गर्न संवैधानिक परिषद्को बैठक सुरु भएको छ । सिंहदरबारमा केहि समयअघि मात्र बैठक सुरु भएको हो ।

बैठकमा सभामुख देवराज घिमिरे, विपक्षी दलका नेता केपी शर्मा ओली, राष्ट्रियसभा अध्यक्ष गणेशप्रसाद तिमिल्सिना, उपसभामुख इन्दिरा राना, कानुनमन्त्री धनराज गुरुङको उपस्थिति छ ।

प्रधानमन्त्री प्रचण्डले गत शनिबार परिषद्को बैठक बोलाएका थिए । प्रधानन्यायाधीश नियुक्तिको सिफारिसका लागि यसअघि बसेको बैठक निष्कर्षविहीन सकिएको थियो । आजको बैठकमा प्रधानन्यायाधीश नियुक्त गर्नका लागि सिफारिस गर्नेगरी छलफल हुनेछ ।