५ जेष्ठ २०८०, शुक्रबार ०५:३० बुधवार साप्ताहिक, नयाँबानेश्वर, काठमाण्डौं

दाङमा दुई बस ठोक्किँदा एकजनाको मृत्यु, ११ यात्रु घाइते

५ जेठ, दाङ । दाङको फल्कापुरमा दुई वटा बस ठोक्किँदा एक जनाको ज्यान गएको छ । पूर्ब–पश्चिम महेन्द्र राजमार्ग अन्तर्गत लमही नगरपालिका–३ फल्कापुर भन्ने स्थानमा दुई बस ठोक्किएका हुन् ।

लमहीबाट भालुबाङतर्फ जाँदै गरेको लु २ ख ७८५ नम्बरको बस र बीरगञ्जबाट तुलसीपुर आउँदै गरेको ना ५ ख ४८९८ नम्बरको बस ठोक्किंदा रोल्पा रुन्टिगढी–७ कि शोभा परियारको ज्यान गएको प्रहरीले जानकारी दिएको छ । उनी बीरगञ्जबाट तुलसीपुर आउँदै गरेको बसमा सवार थिइन् ।

दुर्घटनामा करिब दुई दर्जन बढी घाइते भएका छन् । तीमध्ये ११ जनाको अवस्था गम्भीर रहेको वडा प्रहरी कार्यालय लमहीले जनाएको छ । घाइतेहरुलाई उपचारका लागि बुटवल, भैरहवा, नेपालगञ्जतर्फ रिफर गरिएको छ ।