७ जेष्ठ २०८०, आईतवार ०६:३१ बुधवार साप्ताहिक, नयाँबानेश्वर, काठमाण्डौं

सरकारले नगदेबालीलाई उधारोबाली बनाइदियो : अमरेश सिंह

७ जेठ, काठमाडौं । सांसद अमेरसशकुमार सिंहले उखु किसानको समस्या तत्काल समाधान गर्न सरकारको ध्यानाकर्षण गराएका छन् । संसदको शून्य समयमा बोल्दै उनले अहिलेसम्म उनीहरुले उखुको भुक्तानी नपाएको भन्दै भुक्तानी दिन माग गरे ।

धान रोप्ने समय आउन लाग्दा समेत भुक्तानी नपाएको बताउँदै उनले भने, ‘पैसा नभएर कसरी धानबाली लगाउने ? कसरी मल किन्ने कसरी बिउ किन्ने ? त्यसकारण उखु किसानको समस्या तत्काल समाधान होस् । उखु नगदेबाली भए पनि सरकारले उधारो बाली बनाइदिएको उनको भनाइ छ ।

किसानलाई न समयमा मल दिने, न बिउ दिने न सिचाइको व्यवस्था गर्ने सरकारले उल्टै किसानले मिहिनेत गरेर उँखु उत्पादन गर्छ, त्यसलाई सरकारले उधारोमा लट्काइदिन्छ, उनले भने । यस्तै सांसद अनिता नेपालीले सरकरको निर्णय समेत विचौलियाले प्रभावित गरिदिएको भन्दै देशको सरकारले कसले चलाउँछ भन्दै प्रश्न गरेकी छन् ।

राप्रपा सांसद नेपालीले संसद्को शून्य समयमा सरकारले ०७१ सालदेखि चार पटक उखु किसानको भुक्तानी दिने निर्णय गरे पनि किसानको भने अनुदानको पैसासमेत विचौलियाले खाइदिएको बताइन् ।

यो देशको सरकार विचौलियाले चलाउँछ कि कसले चलाउँछ ? यदि विचौलियाले चलाउँदैनन् भने सरकारले उखु किसानका विषयमा गरेका निर्णय किन लागू हुँदैन ?, सांसद नेपालीले प्रशन गरिन्, ‘किसानका लागि सरकारबाट जाने अनुदान समेत विचौलियाले खाइदिएका छन् । के विचौलियासामु निरीह छ हाम्रो सरकार ?

उनले नेपाल सरकारले मन्त्रिपरिषद् बैठकबाट ०७१ साल यता चारपटक उखु् किसानलाई भुुक्तानी दिने निर्णय गरेर पनि अहिलेसम्म किसानले भुुक्तानी पाउन नसकेको बताइन् ।