२५ जेष्ठ २०८०, बिहीबार ०८:०४ बुधवार साप्ताहिक, नयाँबानेश्वर, काठमाण्डौं

नागरिकता नपाउँदाको पीडा मलाई साँच्चीकै थाहा छ : रवि लामिछाने

२५ जेठ, काठमाडौं । राष्ट्रिय स्वतन्त्र पार्टीका सांसद रवि लामिछानेले नागरिकता विधेयकमा जन्मसिद्ध नेपाली नागरिकका सन्तान र एकल आमाका सन्तानले नागरिकता पाउने प्रक्रियामा विभेद गरिएको बताएका छन् ।

आज (बिहीबार) संघीय संसदअन्तरगतको प्रतिनिधिसभा बैठकमा आर्थिक वर्ष २०८०/०८१ को बजेटमाथिको छलफलमा भाग लिँदै रास्वपा सांसद लामिछानेले एकल महिलाका सन्तानले नागरिकता पाउने प्रक्रिया गलत भएको बताए । उनले नागरिकता विधेयकका बारेमा नभइ वैवाहिक अंगिकृतका बारेमा मात्रै पार्टीले छलफल गर्न खोजेको बताएका छन् । एकल आमाहरुका सन्तानले नागरिकता लिँदा आमाले बाबुको पहिचान नै नखुलेको स्वघोषणा गर्नुपर्ने प्रावधान गलत भएको उनको भनाइ छ ।

उनले भने, जन्मसिद्ध नेपाली नागरिकका सन्तान र एकल महिलाका सन्तानको नागरिकताको अधिकार समान हुनुपर्छ । मात्र वैवाहिक अंगिकृतका बारेमा मौन रहेकाले यसबारे छलफल गर्न खोजिएको हो । एकल आमाका सन्तानले नागरिकता लिँदा आमाले बाबुको पहिचान नै नखुलेको स्वघोषणा गर्नुपर्ने प्रावधान हाम्रा आमा दिदीबहिनीको आत्मसम्मान विपरीत छैन यो ?
उनले नागरिकता नपाउनुको वास्तविक पीडा आफूले भोगेको बताए ।

उनले नागरिक विधेयक गलत बाटोबाट प्रमाणीकरण भएको आपत्ति जनाए । ‘जसरी जुन बाटोबाट प्रमाणीकरण भयो जम्मा आपत्ती यति मात्रै हो । गलत बाटोबाट गएकाले गलत मानिसको पुत्ता जलाइएको छ, उनले भने, विधेयक संसदमा आएको भए छलफल गथ्र्यौ ।

रास्वपा सभापति लामिछानेले नागरिकता विधेयकका सम्बन्धमा आफ्नो पार्टी कुनै समुदायको विरुद्धमा नलागेको स्पष्ट पारे। यस विषयमा जबरजस्ती विवादित कुरा उठाएर निमुखा नागरिकलाई गुमराहमा राख्न खोजिएको उनको भनाइ छ । उनले रास्वपा प्राकृति विपत्ति, वैदेशिक रोजगारीका समस्या र मिटर ब्याज जस्ता विषयमा आवाजविहीन मधेशी जनताको पक्षमा रहेको बताए ।