२७ जेष्ठ २०८०, शनिबार १२:३७ बुधवार साप्ताहिक, नयाँबानेश्वर, काठमाण्डौं

पुराना दल र नेताविरुद्ध अभियान चलाउन खोजियो : अध्यक्ष ओली

२७ जेठ ,काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले पटक–पटक देश र जनताका पक्षमा संघर्ष र त्याग गरेका पुराना राजनीतिक दलविरुद्ध अभियान चलाउन खोजिएको बताका छन् ।

काठमाडौंमा आज (शनिबार) नेपाल निजामती कर्माचारी संगठनले आयोजना गरेको दोस्रो राष्ट्रिय महिला भेलाको उद्घाटन गर्दै अध्यक्ष ओलीले पुराना राजनीतिक दलहरूले गरेको संघर्ष र योगदानलाई कम आँकेर त्यसले ल्याएको परिवर्तित अवस्थामा अभियान चलाइएको बताए । विगतका शासनमा बोल्न पनि नपाइने अवस्थालाई संघर्षबाट अहिलेको स्वतन्त्र अवस्थामा ल्याइएको फाइदा उठाउँदै त्यहि पुरानो दल र नेताविरुद्ध अभियान चलाइएको ओलीले बताए ।

‘दृढ र अनवरत संघर्ष स्वरुप आजको अवस्थामा आइपुगेका हौं । त्यो उनीहरूले बुझ्न सकेका छैनन् । सानो बलिदानबाट हामी आइपुगेका छैनौं,’ उनले थपे, ‘यो त्यत्तिकै आएको होइन । असभ्य, अमर्यादित तरिकाको बाढी बगाउन खोजिएको छ । जुन कुराको गन्तव्य हुँदैन ।’ उनले प्रश्न गरे, ‘हामी इतिहासलाई सम्मान गर्छौं, गर्व गर्छौं भन्छौं, त्यो भनेको के ?

अध्यक्ष ओलीले अघिल्लो साता मात्रै भारत भ्रमणका क्रममा प्रधानमन्त्री पुष्पकमल दाहाल ‘प्रचण्ड’ ले १५ वटा राँगामा नेपालका महत्वपूर्ण दुईटा नदी बेचेको आरोप लगाए । अध्यक्ष ओलीले भारत भ्रमणका क्रममा वर्तमान सरकारले नेपालको भूमिबारे चुँइक्क पनि बोल्न नसकेको आरोप लगाए ।

१५ वटा राँगा ल्याने बाहेक भारत भ्रमणमा के गरेर आउनु भयो त ? दुई वटा नदी तल्लो अरुण भनेर कौडीको मोलमा दिनु भएको छ । जमाइएको पानी हाम्रो हो,’ ओलीले भने, ‘त्यसबाट निस्किएको पानी हाम्रो अधिकारको कुरा हो । त्यत्रो बाँध बाँधेर बनाएको आयोजनाबाट २१ प्रतिशत बिजुली लिएका छौं, भने तल्लो सित्तैमा पाएको पानीमा पनि २१ प्रतिशत पाएका छौं ।