३१ असार २०८०, आईतवार ००:५८ बुधवार साप्ताहिक, नयाँबानेश्वर, काठमाण्डौं

परराष्ट्रमन्त्री साउद आज बैंकक जाँदै

३१ असार, काठमाडौं । परराष्ट्रमन्त्री नारायणप्रकाश साउद आज (आइतबार) थाइल्याण्ड प्रस्थान गर्ने भएका छन्। बैंककमा हुने बिमस्टेक परराष्ट्र मन्त्रीहरूको रिट्रिटमा सहभागी हुन मन्त्री साउद नेतृत्वको प्रतिनिधि मण्डल आज त्यसतर्फ प्रस्थान गर्न लागेको हो।

आइतबार दिउँसो साढे १ बजे उनी थाई स्माइल एयरवेजमार्फत बैंकक प्रस्थान गर्ने कार्यसूची रहेको उनको सचिवालयले जानकारी दिएको छ।

उनी साउन २ गते (मंगलबार) स्वदेश फर्कने कार्यक्रम रहेको छ। बिहीबार बसेको मन्त्रिपरिषद् बैठकले साउद नेतृत्वको प्रतिनिधि मण्डललाई स्वीकृति दिएको थियो।