४ आश्विन २०८०, बिहीबार ०३:४८ बुधवार साप्ताहिक, नयाँबानेश्वर, काठमाण्डौं

सरकार र आन्दोलनरत शिक्षकबीच वार्तामा जुटेन सहमति

४ अशोज, काठमाडौं । विद्यालय बन्द गरेर सडकमा आएका शिक्षकहरूसँग आज बिहान भएको पहिलो चरणकाृ वार्ता विना निष्कर्ष सकिएको छ ।

उपप्रधानमन्त्री तथा गृहमन्त्री नारायणकाजी श्रेष्ठको पहलमा बिहीबार बिहान भएको वार्ता निष्कर्षविहीन भएको हो । शिक्षक प्रतिनिधिहरूले भने विधेयक फिर्ता नभएसम्म आन्दोलनका कार्यक्रम फिर्ता नहुने बताएका छन् ।

बुधबार पहिलो दिन काठमाडौंमा शक्ति प्रदर्शन गरेका उनीहरु आज गृह मन्त्रालयमा वार्तामा बसेका हुन् ।

आज बिहान ८ बजेदेखि वार्तामा उपप्रधान एवम् गृहमन्त्री नारायणकाजी श्रेष्ठ, शिक्षामन्त्री अशोक कुमार राई, शिक्षा मन्त्रालयका सचिव सुरेश अधिकारी, शिक्षक महासंघकी अध्यक्ष कमला तुलाधर तथा नेपाल शिक्षक संघ, नेपाल राष्ट्रिय शिक्षक संगठन र अखिल नेपाल शिक्षक संगठनका प्रतिनिधिहरु सहभागी थिए ।