१८ फाल्गुन २०७७, मंगलवार ११:०६ बुधवार साप्ताहिक, नयाँबानेश्वर, काठमाण्डौं

ताप्लेजुङका अग्निपिडितलाई भूकम्पपिडितलाई सरह राहतको माग

काठमाडौ । ताप्लेजुङको आगलागी पीडितहरुलाई भुकम्प पीडित सरह राहत उपलब्ध गराउन प्रतिनिधि सभा सदस्य योगेश भट्टराईले माग गरेका छन ।
आज एक प्रेस विज्ञप्ती प्रकाशित गदै पूर्व मन्त्री समेत रहेका प्रतिनिधि सभा सदस्य भट्टराईले आगलागीका कारण आवास विहिन भएका स्थानीयहरुलाई तत्काल राहत उपलब्ध गराउन र दिर्घकालिन पून : स्थापनाका लागि भुकम्प पीडित सरह सहयोग उपलब्ध गराउन नेपाल सरकार समक्ष माग गरेको हो ।
आगलागीबाट ठूलो मात्रामा धनजनको र भौतिक क्षति भएको घटनाप्रति गहिरो दुख ब्यक्त गर्दै साँगुरो बजार,खुल्ला ठाँउको अभाब तथा दमकल लगायतका साधनका अभाबका कारण ठूलो मात्रामा क्षति हु्न पुगेको बताईएको छ । पूर्वमन्त्री भट्टराईले आगलागीलाई नियन्त्रणमा लिन प्रयत्यन गर्ने स्थानीय जनसमुदाय सुरक्षा निकाय लागयतका सवैमा धन्यवाद समेत दिएका छन । उनले पीडितहरुप्रति सहानुभुति प्रकट गदै आवश्क राहत र पून स्थापनाका लागि आ आफनो तर्फबाट सक्दो पहल गर्ने प्रतिबद्धता ब्यक्त गरेका छन । आगालागीबाट ४७ वटा घर जलेर नष्ट हुदा ७९ परिवार विस्थापित भएका छन . ।