९ बैशाख २०७८, बिहीबार १०:४५ बुधवार साप्ताहिक, नयाँबानेश्वर, काठमाण्डौं

ओली–नेपाल बीचको वार्ता सकियो

काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीच आज बिहीबार को दोस्रो भेटवार्ता सकिएको छ ।

नक्सालस्थित मेरियट होटलमा दिउँसो २ बजेपछि उनीहरूबीच वान टु वान वार्ता भएको थियो । ओली र नेपालबीच बुधबार साँझ पनि मेरियटमै करिब दुई घण्टा वान टु वान वार्ता भएको थियो ।

निकटस्थ नेताहरूका अनुसार भेटमा दुवै पक्ष आ–आफ्नो अडानमा रहेपछि कुनै सहमति हुन सकेको थिएन । तर, भेटघाट तथा छलफललाई भने निरन्तरता दिने सहमति भएको उनीहरूको भनाइ छ । बिहीबार ओलीसँग भेट्न जानुअघि नेपालले आफूनिकट नेताहरूसँग बुधबार ओलीसँग भएको कुराकानीबारे ब्रिफिङ गर्नुका साथै आफूहरूलाई सोधिएको स्पष्टीकरणको जवाफ दिनेबारे छलफल गरेका थिए । आजको वार्ता सकिए पनि भित्र के कुराहरु भए भन्ने कुरा सार्वजनिक भएको छैन ।